На платото пред музичкиот салон „До ре ми“ во Скопје (кај Младинскиот културен центар) денеска во 12 часот ќе се одржи промоција на книгата Rock N‘ Beat од Михајло Грбевски-Мишко. Книгата ќе ја промовираат новинарите Тони Димков и Ненад Георгиевски, со музичка поддршка од Јаков Дренковски. Промоцијата е во рамките на манифестацијата Скопско лето.
Во Сули ан вечерва во 21 часот ќе биде одржан концертот „Хаус музика – 40 години љубов, ритам и еднаквост“. Годинава се навршуваат 40 години од препознавањето на хаус музиката како засебен музички жанр, создаден раните 80-те години во Чикаго, САД. Ќе настапат диџеите се Јулијана Милутиновиќ, Зија Вишко и Зоки Бејбе.
– Во нашата клупска култура, овој жанр на музика е доминантен од самите почетоци, а денес е дел од програмата на секој простор каде се ангажира диџеј. Тројцата наши хаус ди-џеи работеле во изминативе декади на популаризирање на оваа музика во клубовите, но и на медиуми, особено на радио и ТВ емисиите. Тие ќе нè потсетат со забава на отворено на големото значење што го има овој музички жанр – велат организаторите.
